SICK

i am sick, not for physical, may be mental.
i am not sure.
but at least i know i am sick

中秋佳節

激死我啦，頭先我打既野一下子無晒啊。
而家我唯有盡量背返出黎啦。


中秋佳節，無野做係屋企發酕。
原本以為可以去人地屋企食飯，點知取消左。結果又係和同屋，我地兩個男仔煮飯食，仲要俾人問我有無去慶祝，真係俾佢吹到啤一聲。雖然無慶祝，但都有睇左場波。
曼聯炒費林巴治6：2，仲要俾新星咸蟲朗尼黎一個hat-trick。真係無佢辦法。最衰既就係皇馬贏左羅馬，一百個失望。

彈結他，有些少靈感湧現，惜無辦法繼續。

面對著一整個月餅，好有衝動一啖食晒佢。
（最新消息係：我決定左打完晒呢段野就會食我個月餅。）
我諗咁都算少有啦，邊有人一個人一次過食一個月餅架？
鬼叫我而家又肚餓咩。哈哈。


頭先成個icq list入面廿幾三十人online，都無一個人可以傾到計既。
好彩，都俾我搵到個，如果唔係就真係悶死。
而家，就等我邊睇歐聯helight同邊嘆月餅啦。


中秋節快樂（快過）

無野好睇

從來我對人像攝影都無什大興趣，睇forum或者人地相簿都只會睇下就算。
盡其量都只會揀幾張靚相嘗試學下人取景同構圖。

但近來真係睇都睇到悶晒，一來無咩特別新意，加上新既post就多，但有質素既post真係聊聊可數。莫講話攝影師無新花款，就連model本身都無新意。成日離唔開果d姿勢、果幾個笑容。
地點就更加唔好講啦，成日都係什麼公園、什麼郊野地方。而家睇呢d相完全俾唔到一種或者半種震撼我。

好想睇到有d新意既相，好想睇一d影出黎無比自然，無比親切既相。（但我唔要什麼大時大節大合照）
好想好相，真係好想可以睇到d有故事感、有感情、有感染力既相啊。


（從朋友中看過一兩張，就只有這一兩張而已）

繼續士哥

返黎英國最大既得著，其一就係可以每星期都有波踢。
尋日咁唔開心，今日就當然要散下心架啦。

對手係英國人，個個牛高馬大，我地香港人完全唔係果皮。
今次小弟繼續打前，係香港每場都有至少一球進帳，令我對這個位置都有少少信心。
加上長年無踢中後場，令到位置感奇差。 因此，如非必要小弟都係推上前追波好過。
對住身型完全取勝既英國人，就連速度都輸埋。人地隻腳長我勁多，我要跑好遠先有機會放甩佢。有幾次埋開機會，惜都未能好好把握。幸好，憑細mic同金毛既入球，都不致輸太多，最後比數3：4，僅僅落敗。

同完英國人踢，再同自己友香港/中國人踢，雖則屬玩票性質，但我最唔鍾意俾人話一d根本唔關我事既波，因此咬緊牙關，最後都俾我入到球窄角度同助攻一球直線傳送。

希望下場繼續有正選踢啦，打前好開心。

無話可說

尋日下晝，媽媽忽然打黎。
一接電話都已經奇怪，因為都香港都已經凌晨一點多。
原來老豆整親腰部，入左醫院。

之後，就我就俾阿媽插左勁耐。
乜都話，話到我都興興地，咩狗屎垃圾都話。
話到我都唔知佢係為左話而話，定係真係有野俾佢話。

本來諗住遲d打返去同屋企人講轉科既事。
但而家搞到咁，我諗都係遲多一兩日先啦。
如果而家打返去，真係自尋死路。
有時唔係我唔想打返去，而係打返去諗住好好咁講下、解釋下現況。
結果就俾人插到九彩。

好記得，中六果時，同屋企講，我想讀電影。
結果，咪四十五分鐘俾人任砌任鬧，由頭話到尾。
其實我都唔明，讀電影有咩唔好？
電影業係香港都好成熟，就算唔做電影，都可以做電視同廣告。
算吧啦，都過左去。

今次轉科，真係要萬二分感謝神。
因為原先去年我讀socio/journal，如果要轉科，學校多數要人由level 1再讀過。
今次完全都係因為我既tutor同staff好人。將我120 credit中既一半transfer去新科到。
咁，原本要每年讀120 credit，理論上我要多讀一個sem
但俾我計過，我原先有60credit，再加今個sem 60credit =120credit
而我下個sem則可以修80-100credit，level 2 total=200-220
到最後一年，只剩140-160credit。如果，好好地，唔使重考既話，我就可以係06年畢業啦。畢到業就好啦，唔使屋企人咁辛苦，唔使用屋企人錢，佢地就唔使慳得咁辛苦。一切係畢業時就可以解決，所以呢兩年我想我會咬緊牙關。

好怕面對屋企人，好大壓力。

IKEA

一早起來，吃點東西就去買些日用品。
想買些床鋪，偏偏款式就是不適合。
見時間尚早，就和max去IKEA。

以為IKEA在Gatehead，誰不知，到了Gatehead還要再乘巴士到Metrocentre。
第一次去Metrocentre，意想不到的這麼大。
跟Duduly的Merry Hill shopping centre可謂不相伯仲。

行過買了結他帶和capo，比香港貴一點吧。
這裡多數的貨品都較市價便兒，好吸引呢！

去到IKEA，什麼東西都好吸引。
最後敗了：枕頭袋、被袋、黑色玻璃杯、飯碗乙隻、相架乙個、紙盒兩個、膠杯幾隻。
開心，滿載而歸。

飛

來來回回歐洲這麼多次。
漸漸產生厭倦，不想再在這斷路上走了。
是留戀外地，還是討厭交通，定抑或是分不清「家」的定義？

問心，都已經習慣在外國的生活。多麼多自由自在，不受家人的挑剔、批評。
可能就是這樣吧。

真想真想快點快點畢業，但之前，還得好好的完成這兩年。
上年修社會學，結果就差得很。明顯地跟我未入大學前所想的有很大的差別。
總之，今個星期見老細，一定要俾我轉系，否則，多讀一個sem都頂唔住。


唔通人大左，就自然要飛，離開屋企。
是個不變的定理？

千里之後

經過十二小時的飛行，一下機便感到英倫的冷風。
去到行李帶前，等著等著，都沒有自己的行李。
於是去特大行李處回收自己的結他。

再過多一會兒，終於有自己的行李。
可惜，這段時間都找不到同屋。其實自上機前一刻就已找不著他。
其實一早就希望約他在某處等，因為大家不同客機、不同出閘口。
找不著他約沒辦法，只好走走走走走到他閘口等他。

幸好，等了一會兒便找著他，知他還未出閘。
會合後，就推著勁多、勁重的行李去搭tube。
一路上都討論著未來同屋的問題。唉，忽然走出個程咬金，多事之秋。

轉一轉tube就到了Victoria，這才是戲肉。
我提著一個中型行李、手提行李、大背囊、結他盒，走過了常人要行10分鐘的路程。
行完之後，成個人周身骨痛，實在是超出我的所能。


吃了一頓老麥早餐，好貴。
夠鐘上巴士，即訓。
車程過了大約五小時，下車。
可以走走、吃點東西。
再乘另一輛巴士，多坐三小時就回到家了。


另外新同屋已經辦妥上網，一返家便可以上網，真幸運。

Summary

快要吃晚飯了。這個暑假中在家吃晚飯不超過二十頓，這可算是其一。
假期匆匆的過去，回想剛落機的日子乍遠乍近。在歐洲的日子就似是昨天。
回港初，就發生了件大事，家人離世。親戚回港，各懷計謀。
沒什麼可以為家人做，電腦事項就交由我去做吧。

想找暑期工，卻是有心無力，遲遲未實行。
多得她找到了，又推介了。總算是有份工作。
感謝神，讓我可以於那六日後繼續工作。
雖然，工資偏低，成為多人輿論話題，無論如何，總算有些寄托。
工作一整月，學到的東西真算少，可謂得個做字。
問心，很怕這些小規模的公司。特別是老闆跟你一塊兒工作。


來年讀書要下苦工。轉讀新聞，希望好好睇睇。
講真，我都唔鐘意報新聞，所以大家唔需要期待日後可以從什麼三色台看到小弟的英姿。哈~

開不了口

由一開始已經不知怎麼辦，結果到買了、帶回家還是不敢告訴他們。
結果，這個結他，還是剛剛才告訴他們。
爸爸沒有大反應，這才是大問題，沒有說什麼意見的反應真叫人不安。
即使是媽媽也只是說了幾句就算了。

買一個結他就這麼大的壓力，叫人喘不過氣來。
整頓晚飯都不敢抬起頭來，跟爸媽有什麼眼神接觸，很害怕。
別人眼裡我可真是不孝，說家裡有困難卻這樣花錢去買東西。
可是，我看到神在我家、我自己身上所行的奇蹟妙事時，就使我更加肯定的要去買下這部結他。
就這樣，我就可以有更多機會歌領祂。寫歌，是我所希望的，至於能否則看時間而論。

un-reachable

大半日都留守在家，可惜執拾行李進度繼續保持於個位數字。
和她玩玩遊戲機，就出旺角買東西。

想不到在基道巧遇鮑老師。
花了大半小時終於找到合適的靈修書籍，也敗了本中英對照聖經。
合共三百多元，面不改容。奔走主路當然要付些代價。

之後去吃吉野家。
可能因為打機打得多吉野家，看見他們就會自然想起 ╳、□、○、△...

逛逛街、行行商場。
什麼都想買，什麼都希望擁有。難道這就是後現代拜物主義？
看上去這個有用、那個也有用。怎麼搞的？


約了關、江、張弟兄姊妹喝些東西，本以為有什麼重要課題向我們交代，原來都只是隨便的喝喝吧。
嚇得我~




回到家，上了兩下網，click一兩下。
忽然間就上不了網。
發現原來上不到網是真的叫人很麻煩。
電郵發不了、報紙看不到、聯絡跟不上、網頁也看不到。
這個時代、這個年青人，沒有了互聯網原來會是這麼的痛苦。

上不了網，因此這篇日誌寫於18-Sept 0150

Brand new

唔知點解會開呢個account，可能最主要因為od過邊死左，復活過來卻是回到過去。
加上過邊用左都接近三年，開始覺得悶，要轉換一下新環境。

I have no idea why would i open the account here, reason why may because of the opendiary was hacked by someone, although she can recover, but it just have the back-up till early June.
Also, i have used that account almost three, starts boring, and I need to have a new place for me to write and think.