cell-group

好耐無返過cell啦，對上一次就已經係四五月既事啦。
唔知點解，返到黎就總係唔願意再去咁，記得以前自己話過要係呢到返得好好地，仲希望有個chinese fellowship。但唔知點解到左呢刻就會咁大轉變，奇怪奇怪。

去，去左位我新認識既男仔hall到，叫..Lawerence（好似係）。佢係香港人仲同我同屋阿德讀同一個course既。而今日就只得Helen、我同呢個男仔。呢個男仔，應該係初信既，而Helen則是洋人。

今日睇林後3：18，主要Helen想講既就係，既然我地已得蒙救屬(v.16)，我們就應當化作主耶穌既樣式，為既就要讓更多既人得救(v.18)，大概係咁上下啦。唔知點解，佢一路講，我一路擔心 1. 到底我返緊既呢間教會係唔係正貨？ 2.若果唔係正貨咁倒底佢又咩葫蘆賣咩藥呢？ 3.始終，我從未試過有咁大既反抗，會唔會因為我呢陣子唔屬靈，神既話我聽唔入耳呢？ 4.呢個初信男子，佢到底明唔明呢d咁入既屬靈字眼呢？(何況係英文喎..)

好啦終於講完，我都算有d野入左耳，聽左、記得。
其實，我返cell只係想同教會既人make多d relation，好叫自己會肯/識得keep住返教會。但而家目標係要我地每人帶三個新人參加，我真係覺得有d難度，縱然我諗到可以帶邊三個，但假若日後要小弟負責帶cell的話，我想這會是很大的壓力。感覺上Helen都幾aggressive，呢排無返教會就不斷叫我返啦返啦，又問我落唔落London去個conference等等。真接或間接讓我聯想到永光，我無話永光唔好，只不過聽人講得多，自己都會覺得係好始急進左dd囉。

好想有少少時間俾個腦去思想一下~

唔覺勁

近來一星期都提不起勁，做什麼事都沒有動力。

試過一整天在睡覺，就足足睡了16小時，多麼的奢侈。


今日去黑房做野，唔知點解晒出黎d相都唔sharp，好多都好似浮浮地咁，到底邊到出意外呢？最怕呢筒之外既幾筒都有咁既問題我就死得囉。若果相機有咩毛病我真係會喊架。天啊，唔好玩我啦，我玩唔起架~



動力阿動力，你去了哪兒？
好累好悶好無聊；好想做點東西好想勤勤力力。
但就是做不到，可不可以有個既簡單又直接的方法讓我的動力、幹勁跑回來。

（骷髏頭堡賜我無窮力量 .. ..）

昨日 今日

昨天這個時候，同屋Max就對還在床上發白日夢的我說：今天我會飛返香港。
聽到這個消息時，立時有兩種想法。一，現在已是聖誕或暑假了，他要回去啦。而二，就是根據想法一而衍生出來的，現在已是假期，那麼過去那段時間我在幹什麼呢？莫非我的生活只在夢裡，不然過去的幾個月怎麼一點記憶都沒有？其實還有想法三，就是我敗了機票沒有？

當然，還未想到三的我，就清醒的問問他為什麼要回去，他說媽有急事要回去。

就這樣子，被突如其來的消息喚醒之下，已再沒有睡覺的意慾了。因為我知道需要幫幫他，他需要機票，要是他直接到機場處敗，有兩個可能，一、就是沒有機票；二、就算有都要很貴。於是那刻我盡我的所能幫他找找。他想到Newcastle，KLM要1200磅。天煞，這是很貴的機票呢。不行，於是我上網找找，找到很平，但是電話沒人聽。後來找到eBookers，還可以叫他立刻打我們家裡的電話，那就行啦。

說著說著，他要到倫敦飛，於是就找找到倫敦的火車，也是很貴耶。沒辦法，要到倫敦飛就定要乘火車，除非我有車。其實那刻如果他立刻要到Newcastle飛的話，我會立刻的陪他去，因為我覺得這個時候這樣的一個很需要人陪，雖則不能給他什麼的幫助，但是這樣的支持也是需要的。

後來火車、飛機票都定了，終於覺得累。那時已是九時許，整晚沒有睡的我就決定要休息一下。只是，希望不要在他走了之後才起來，怕見不到他呢。哈哈。

最後，只是送他到metro站，卻沒有陪他到Newcastle火車站。為什麼？到這刻我也不知道左為何不陪他去。可能他說過不要浪費吧，可能是同行阿德沒打算去吧，可能是我不好意思吧。人家，大大個的男孩，你還要處處去幫他、陪他，很嘔心吧。

不過，還在練波之後打了個電話給他。他說：多謝...
希望伯母無事啦。



二十四小時前，max還在隔壁。
十二小時後，阿德的表妹就會在隔壁，是什麼half-term吧。



其實，一個月前才離港，我想就連Max佢自己都估唔到咁快就要飛返香港。

輪迴。自助餐。食屎。死

人生，每每都要面對輪迴一般的痛苦，我想我會選擇以死去了結。
既然每次面對過後，還要在繼續這樣的痛苦。
而唯一的方法就是令自己消失，這還不是讓死成為整個故事的唯一終結嗎？

記得，黃子華在〔無炭用〕棟篤笑中講過，那些自殺的人，每日就好似要食屎一樣。你同他講：先生，吃自助餐好，吃飽可以休一休息，訓一訓再黎過。但偏偏，他們豈不是要不停的食屎？早餐食完，過兩個鐘又食，挨得過幾個鐘又話要食下午茶，你仲話請佢食晚飯同消夜，真係死得啦。你猛咁同佢地講，生命無take two啊！佢地就係唔想有take two之嘛。



若果你呢刻死，你估有無人會戥你高興呢？
有無人會為你而難過呢？有無人會為佢地做過既野而後悔呢？


我希望我死左之後，無人會記得我。

Photo of ME

唔知由幾時開始，我越黎越少上鏡。我意思是，自己已經絕少在相片上出現了。我想先是由中一開始，因為要cue牙，一向有多少自戀既我就覺得自己非常唔之唔好睇，有多少核突添，因而某程度上抗拒上鏡。加上我既招牌笑容在鐵線的綑綁下都變得醜陋，所以每年的學生相對我來說都是一個羞辱。（好像嚴重了一點）

中四中五，也是個真空期。記憶中，沒照過什麼特別的相，只是什麼班相、旅行相。行為低調既我，又點會有相影，或被邀合照呢...對於這個最開心的時期，卻是一張相也沒有去回味的我，即使現在想起來也有點不是味兒。也許，有些回憶只屬於我自己，不適合去大夥兒分享吧。

來了英國，感覺上也沒有照過什麼。記憶中就只有初來報到時影過幾張傻仔相，給過家人看過吧。還有什麼呢？買下第一部DC，也許有多些相片吧，可是那些相大都已經遺失了，要找它們並不容易。到了第一部真正屬於自己的菲林機Lomo LC-A，人家多拿來自拍、幾個人拍拍開心照，我就只把它拿來記下行蹤和死物。哈哈，有上過鏡的都是少之又少。就因著這兩部相機使我產生了真真正正的攝影興趣。

上一個聖誕敗了第二部的DC，大眾就成為了我的模特兒啦，特別是教會的團友們。而我，也只是偶然出現於鏡頭前，同樣地，自覺上鏡不及真人美，於是鏡頭？避得就避啦。偷拍無妨，但別給我發現，而且也是把我影得不錯才可以啦。

之後，就敗了我的第二部（其實是第四部）的菲林機，是單鏡機哦。Olympus的OM-2n，是一部好機!!再配上四鏡，就風景、人像至遠鏡都可達。最好，當然是多加一支24和35-105或35-80，以及要支質素好d既70-210或者100啦，哈哈哈

講講下，講左我d相機生涯添 .. ..
其實我係想講，要搵一張有自己個樣既相好難。
我諗我未來都係咁架啦，因為我是個躲於觀境窗後的大男孩/靚仔/型人 .. .. 哈哈哈

斷臂

大前晚，訓左好少就出去影日出。
前晚，同BoBo講相機講到好夜。
尋晚，打機打到都幾夜，不過恃住今日Day off就玩下啦。

呢排玩Warcraft III都玩得幾密，可能因為我地上層三個男仔一齊連線玩，一齊打電腦，好開心，好正!!

今日訓到點幾兩點，Max叫我起身食野，話陣間有波要練喎。食完無幾耐，就要出門口，一屋五個男仔出去踢波，但係呢個時間係唔應該出去既，因為勁大雨。但無人理會，個個都就咁就出去完成無視大雨照頭淋。

去到，已經行左二十分鐘，個人基本上已經濕晒，對boot已經勁重。
但係個場只係得我地五條友。（邊個話會有19個人架？9個都無喎）我地本著行都行左四個字，無理由唔踢就走，於是我地邊踢邊等。（你唔好問我點解唔去避雨，因為果度係無瓦遮頭架，慘~）好彩，過多幾個字就陸續有人黎啦，果時個天開始細雨。

但點都唔夠人踢大場，只好6對7踢半場。

詳情唔講啦，如是者，踢左3-4場到，阿日（方力申）同大mic一個相撞，向來攔截好強橫既阿日倒地起唔到身喎。大家都圍埋去睇下發生咩事，當期事大家都估阿日係佢甩骹。我過去都係盡量叫佢放鬆同冷靜，再拎d褸俾佢遮下，因為當時佢已表示無可能就咁起身行去醫院，縱使只係5分鐘路程。

我輕輕摸摸佢個膊，感覺上唔似係甩骹。以我唔專業既知識去評估，我認為佢當時係斷左隻左手架。等左大約十分鐘到，佢隻手已經越黎凍，佢亦都唔多再出聲，我估佢真係好痛好凍。再過多一陣架救護車終於到啦，果兩個救護員既包紮手勢真係唔多掂，如果考試就實肥梗。


返到屋企沖埋涼已經七點幾八點，三條友勁支力，於是就叫takeaway，十幾磅就食到我地飽飽，仲有成個pizza同kieba淨低，足夠食兩日，抵啊~

日出

今次出外拍日出，是為了攝影科的功課。要我拍Landscape，聽起來是開正我果範。可惜就是精於這個，便不想草草了事，可是想了很久都找不到攝影對像。想去Lake District，卻又無可能一兩日內完成，加上目的地早好是可以作多次來回，以防有什麼要翻拍。那麼，亦暗示著不可能上蘇格蘭高地了。

無辦法之下，我想新特蘭的日出也算是個不錯的選擇吧。
於是今早四時半便跳起床，沖涼+煮個麵便出發。可惜，行了十分鐘才發覺其中28mm遺留了在家，於是又再折反。再正式出發時已是五時許了。
當時很害怕哦，怕錯過了日出的一剎。於是便急急的走著，又一邊觀天看看雲層和預計太陽還有多久才會東升呢？


到了海邊，很黑、很空曠，心中不其然頓生愜意和有點懼怕，可能因為這個環境實在太過偉大吧。無論如何，這兒真是個不錯的地方。
到達是還不到六點，看著整個天空都是黑黑的，雲層也很厚，有點兒擔心。再想去堤壩處，誰不知竟然是關著的，也代表了我是沒可能去到燈塔那兒，不打緊吧，我也可以作個遠景吧，把日出照得很雄偉、很廣闊的感覺。等了整個鐘，還不見天空有任何動靜，雖然吹著大風，但是厚雲仍是丁點兒也沒移動的跡像。
好灰，好頹，這樣下去就算日出也不可能很到呢。祈禱，十分焦急，因為我已經很凍了，猛風不斷來犯，好慘啊，點解我會咁早就黎到架。再等多大約一個鐘，太陽才有些少動作。

這次是拍黑白的，效果是如何還未知。
不過都拍了些彩色的給大家看看，而這些相都是經65:24的剪裁的，是扮X-Pan的。假若你不知什麼是X-Pan的話，可按這兒。

其他的，可以按這個，便有得睇啦!!

黑白的，希望可以盡快做好它吧。



P.S. 今天發現學校做緊￡1便可以幫你沖負片，於是便沖了，還scan了不少那次奧運BBQ。



可惜，返到屋企發現隻CDRW read error...
前工盡廢...

熱血

今日踢波，對紐卡素香港人隊。
先贏兩球，竟然輸返轉頭，失埋d大意波，都唔知發生咩事。
忽然間，max（後衛）竟然同tony（龍門）鬧起上黎。有d激激地，即刻要拉開啦，最怕見到自己人同自己人嘈，兩邊都無得幫。鬧左好幾分鐘終於停落黎。
大家都想踢好d，大家都想隊波好。下次唔好咁啦，係嘈都同對面對嘈啦。
哈哈~

今日踢得麻麻地，6、7分到啦，無咩做到，都只係盡量守著，但都要輸。射過兩三次門，都唔舉威脅性。要再練d控球同盤球先得。幾廿歲人先黎學呢d基本功，真慘。


球隊成員缺乏鬥心，點搞？
大佬，諗下計好喎。

天啊，快掉點錢給我吧

天啊，快掉點錢給我吧
轉科不是不好，可是消息也實在太大了吧。單是買底片和相紙就要花近兩百磅，是英磅呢。加多些少就可以來回香港了，這回真的可以殺了我。當然，我是買多一點為來年準備，始終ILFORD已結業，不知他們的貨源還足不足嘛。還真的挺擔心，到底我的技術能不能上到Level 3呢...

要快點找工作啦，要賺點外快呢。看見姨碑就真的心癢，這麼多的好貨平平的就有交易，真想敗些東西回來。可惜，沒錢，別想吧。賺到錢就可以去去外地啦，到底這樣行不行呢？


哎喲，剛剛還在IKEA掉了點錢。對，昨天又被拉了去IKEA，還敗了個坐地燈，沒辦法實在是太吸引嘛，只是5磅，還要夠火數，這樣整間房都光猛了。再配上這張椅子和時鐘，實在是太美妙了。 .

今天

生日快樂哦~
有這麼多人陪妳，樂透吧~




那我就可以放心啦。

風波

感覺上自己好像牽連了很多的風波。
先在團契新聞組上的討論，有意無意間就掀起一個爭論。
站在自己立場看，總覺得有些話不得不吐，吐了的結果就是早已預計到的這個。

自知/若然大家多了嫌隙，但/都從沒後悔過，我的性格話我知既然這些話不吐不得，吐了做不成朋友就不要緊了，若大家是這樣的容不下的話，就讓這番話作出一個決定。
說我怎樣也好，只是我覺得：做一些方便自己的事總比做一些方便所有人的事容易。

自己感到十分奇怪，莫非以往的方式真的很不便？不然數字怎會飆升得這麼多。定抑或Official, Unofficial這一個字影響這麼大？是的，我是值得被討厭的。因無辦法解釋為何以往的死寂跟現在的情況有頗大的出入。

話總是說不完的，現在我能夠做的就只有祈求此新聞組好好的走下去。因為我實在看不到 "為各團友直接溝通的渠道" 的必要性，我自己希望的是此地方能讓大家一起分享，分享屬靈的好見證、分享靈命上的好壞。而不是一個官方約食飯和吹水的地方。不然，這種地方多的是。別說我杞人憂天或者咁快就睇死佢，這只是我的憂慮而已。

當然，"官方" 從沒要求小弟幫手時，這樣看來真的是我自己多管閒事，多手多腳多把嘴。還有的就是，當日我誤打誤撞就已經見到些會絆倒人的新聞組，我相信這比廣告走出來來得影響更大。


講完海外風波，就回到自身這兒。
今晚終於跟樓下的垃圾來了個五五六六的會議。簡單的說，就是租金上已達到共識，屋裡各人的責任亦表達清楚了。我只希望未來的八九個月可住得正正常常，別要我發火。


風波好像暫告一段落，其實只是暫時的止住了火。
何時會風雲再起，天曉得。各人做回本份吧~

慢...到嘔...x_x

話說一返黎英國就有得上網以為好好啦
誰不知...慢到嘔...

係香港人人都話用"i機佬"好慢，我想話俾大家知我呢到既寬頻快過56k少少咋。
樓下又不停咁D/L野，搶晒d band width。
加上同樓下兩件垃圾勢不兩立，用佢地既野都係快d結束好啦。
總之而家就慢到唔可以忍受，亦因為呢個咁既死人慢龜搞到我係姨碑到輸左件平價筍野。

下星期三就可以轉返我自己個acc.啦
yaeh!~