勝, 負.

今日出戰外國人，有譚君諾北上援助，中場創造性大增，進攻亦變得更多元化。今場己隊發揮正常，正充份表現出球隊應有的水平，守門員Tony更是不得不提，他幾次的出迎和制空都非常準確，而且是己隊贏波的關鍵。

Tony

Max Johnson Andy Kei
Lok Raymond Henry Tak
細Mic Long

Subs: Kei(Frank), Johnson(Parcel), Tak(Archer)

Goal: Raymond, 細Mic(P.K.)

---

今場是己隊的第二場勝利，而且有很大的滿足感，即使自己俾上剷到七彩都無所謂，始終贏波的感覺是很好的。阿德今日勇戰受傷，那是因為質素其差的場地所致，太爛的地使球員往往被泥濘啜實，相信阿德還是養傷一至兩星期。除了場地差劣外，今場對手的粗爆攔截也令我們百思不得其解，因為以往外國人最守規矩、最講公平，但反而今場幾個攔截實在太過粗野。



一場勝利之後可就可以到pub睇睇波，利物浦vs阿仙奴，而且還有免費的食物，只可惜的是在最後10秒才失多球，令阿仙奴吃下第二場敗仗。實在太難令人相信，希望阿仙奴不會這麼容易就再洩氣，奸爸爹!!

---

最後再附上球隊合照~



For Detail
http://www.fotop.net/iamarlong/my_team

Mac-simlization

在過去一年接觸到mac機的機會多的是，由journal到fotal都會用到佢，而我亦不知不覺間被佢毒到我... 這實在是太過可惜，因為我知道我短時間內都唔會負擔到任何一部apple機。亦因為呢個原因我亦只好認命，祇不過呢個世界上有好多人(無聊人?) 佢地會做出好多你意想不到既野。


你地睇下下面呢幅圖...


只需動幾動手腳就有一部Mac機的介面啦，上面看得不清楚，可以看看這個
http://www.fotop.net/iamarlong/stuff/Desktop_copy


用得很不錯啊，也沒有什麼大的lap time。
有興趣換換介面的，不需要花幾萬元，只需要半小時。去下面看看吧。
http://tigermilk.eb.com.hk/

快到丫~

D時間過得快到丫，我都未黎得切做下自己野，就咁樣呢一個星期既study week就已經放完啦，好唔開心啊，我唔想咁快又要返學呀。


返學已經返到無乜mood，好在佢呢到每科都只係一個sem，如果要我同一科返成年，我諗真係人都癲。我估都係同一個原因，上既堂有d悶，再加上無咩frd一齊上，所以上左無幾耐我就已經唔多想繼續上啦。

大炒

頭先岩岩去完in-door踢波，我地一隊唔知點解出奇地合拍，大炒另外一隊。今日大家都搓得好好，完全控制住個節奏，非常好。如果遲d係大場都可以咁樣搓就好啦。另外自己既扭波都有左好大既進步，可能因為上一次既傑斯爆之後信心大增，不過我都要繼續努好d first touch同first time passing.





不過唔知點解，而家踢完場波，個pat pat位到果舊骨好痛喎，行大步一d都會痛，但係我記得我都無跌過落地，點解會咁架呢？

神的孩子都在跳舞

看到嗎？
看到了嗎？

我有啦!!
點解我會有??
咪就因為佢囉~
咁好既女朋友邊到搵啊~

haha~




這隻cd真的越聽越好聽!!

Win

終於贏波啦!!
今年踢左5、6場波，我地終於都贏波啦。

今回對中國人隊，雖然無左中場重心阿John同龍門Tony，不過我地依然有好既發揮!!

BaBa

大Mic Johnson Andy Max

Raymond Henry Parcel Tak

細Mic Long

Subs: Bibi（Long)

Unused Subs: 表弟、Albert

Goal: Long, Tak, 細Mic, 細Mic, Tak

---

雖然入球梅花間竹，但都尚可接受，始終BaBa第一次把關，而且失誤不在他，只要繼續努力，我相信他可以做得更好的。今場整體發揮尚可接受，始終阿Tak還是多年後再重拾左路位置，只是略嫌侵略性不足。相比之下右路攻勢則源源不絕，而且中場Henry能支撐大局，令後防中路減輕壓力。敵軍則於左路不斷襲擊，令大Mic有點吃力，這也是可以改善的地方。

而至下半場中段，阿Long因傷退下火線，阿Tak移向前鋒線，表現亦有所改善!!

各位隊員，加油!!

天啦

我才剛剛起床
你看，現在都快是晚上十點鐘啦。
為什麼？因為我早上到差不多九點才睡呢。




祇不過，這樣講電話也蠻開心的。
只是下一回能不能早一點啦？我整天都沒有啦~~

過關

剛剛做完PVG 123既present
今次做d相其實就麻麻地架啦，返左黎兩個月都無咩mood去做野。可能太凍啦，手腳都經常冰冷，試問咁仲邊有mood去做野丫？上星期返去做相，結果就搞到兩隻手d手指黃淦淦，因為d藥水嘛，勁恐怖，好似中左毒咁…

批相不過不失啦，係略為over左少少，有d位太黑，結果搞到無晒detail . . . 都唔緊要啦，下個project做好d囉。睇返同學d相，我覺得我都可以做得再好d，因為佢地有d相既idea、composition都麻麻，如果我可以做好少少，咁相對地我就可以高分d啦…哈哈哈（勁奸）



之前唔開心既事，終於都解決左啦，無事啦（我估）

有淚

笑中有淚 楊千嬅

我 要多得自己 更加多謝你
你 將我磨成利器
戀愛路有幸捱不死
競技場上當嬉戲
今天講來彷彿一世紀

早已 記不起自己 有否憎恨你
至少今天再站起
從前在快樂時以苦調味
在過山車裡上天落地
經歷就當福氣

當我無情無恨望過去 還是笑中有淚
抓緊愛侶只靠寬容不靠淚水
無奈要被你拋棄後 先了解我是誰
如若那天我大多幾歲
這一刻也許
還是一雙好愛侶

不錯 過得到自己 便可體諒你
也許都因我自卑
攜同著壓力陪你趕場地
渡過了春光再幻想明媚
當日是我逼你

當我無情無恨望過去 還是笑中有淚
抓緊愛侶只靠寬容不靠淚水
無奈要被你拋棄後 先了解我是誰
如若那天我大多幾歲
什麼都去追
明白到無需因你會分手過慮
誰亦可以沒誰
離合全為了大家高興
到今天也許
還是一雙好愛侶

如果將來能得到誰
其實多得這過去

寂寞

其他三個同屋去了Nottingham幫紐記打波，全屋就只剩下我。點解我無份，因為屎波，係咁多。
我很悶，悶得很。由前晚一口氣看了7、8集【青出於藍】，剛剛又看了6、7集，看了大結局。看來又要由第一集看看，因為我只在中途插看，一定要了解返個故事先。

方才打給阿Max，知道他正在途中，晚一點就會回來。過去兩個星期就像做夢一樣，發生過的事都很虛無飄渺，可能因為唔開心，成個人都好灰咁。有時候我就連哪裡出現問題都不清楚，但總之就會給定了罪，是我想不通還是根本我不到自己的樑木呢？

成晚無訓，是時候休息一下。

睇【青出於藍】學左句野，我都覺得幾有味道。
「即使心碎，心依舊會跳，日子仍舊要活下去」

Don't u know

I am a bad bad boy.
Yes, I am a bad bad boy.








what can u say, what can i say?

完結？開始？完結？

美國大選已經結束，結果亦已經有了。Bush可以成功連任，對我自己黎講真係唔希望見到，我有一點兒失望。我看到一個嚴重分裂的國家，意見嚴重的分歧，雖是個自由民主的國家，卻在政見上出現兩極化。

希望真係好似Kerry咁講，佢地既抗爭雖然係今日失敗、完結，但決不會停止。

我夠膽講，你Bush有親d咩錯失，我寫包單4年後肯定會係民主黨既天下。
唔知希拉利會唔會真係08入主白宮呢？

呢4年 . . . 大家忍耐下啦 . . .

美國大選

講真，我真係唔希望G.W. Bush贏囉，我唔希望再見到有一個自以為是的國家領道人橫行這個地球。John Kerry係唔係真係咁水皮，我都唔曉，不過我覺得佢可以令到美國無咁危險，呢個地球無咁危險。


仲有大約8-9個鐘就會有大約既結果，衷心的希望民主黨的克里會贏，而這個世界會更美好。


克里，剋住你!!

冷冷清清

隨著阿德表妹返返落去，連同星期五北上黎探訪我既譚君諾亦已回到他那裡。
屋子裡就只有一種寂靜的感覺，房間亦變得像雪地一樣的寒冷，寒風一陣陣的由房門的罅位吹入，真的很難忍啊。枉那屋主還說這是間很暖很暖的房子，這他媽的寒風滲入骨子裡真叫人生不如死。

忽然的發現，雖然人地表妹唔多講野，很卻成為我地之中的一個調劑，唔會幾條友咁悶。可能可以隨便的串串她終日煲電話，又或是一些很低能的事，原來一個小女孩倒有她的地位/用處，哈哈。


真的很期望max這星期五的回歸，希望可以正常返，因為我地實在太過無聊太過hae啦。