偷窺

寫得越多，那種不安就越嚴重。
什麼？我指的是這裡都寫了差不多四個月了，卻沒有太多回應，感覺就像明知隔壁有人一直在偷窺你，卻連他們裝得過唔過癮都未知。可能咁講有點兒那過，但都是我的感覺也吧，好睇唔好睇都出句聲丫，減肥定增肥稍講無妨。

BT

相信無人不曉BT二字吧，因為BT的關係即使如小弟身處外地仍然可以睇到好到香港等地的電視節目。或者我應該咁講，因為有好多網民將電裡節目capture左再放出黎，於是我地就有機會睇到啦。

而BT呢，它的發明可謂偉大，因為它的反傳統(越多人d/l反而會d/l得越快)，小弟真是佩服。不過佩服之餘還體會一樣野，就係當你一用BT無論幾大既harddisk都唔會夠用。

離去又回來

26出發去Manchester，今天回來了。發現Manchester都幾靚，應該值得去。26號晚去左打邊爐，應該都有10個月未有打過邊爐lu... 雖然，無香港食到咁多野，但係唔緊要啦，問心都好耐無試過淨傾計可以傾到咁開心啦，四個小學同學雖則不算太熟，之但係個集體回憶原來係咁美妙。成日話會唔會再搞多次re-u，我都唔知點答好。搞大又唔係，搞細又唔係，多人又難控制，少人又怕尷尬，況且我都唔知大家享唔享受再見返d小學同學，你知啦咁多年無見，可能當年老友鬼鬼既而家都此情不再。

我自己都好回味當年小學既點點滴滴，不過有d人都無乜回憶勒，又或者根本就唔志在，你話勒咁點搞呢？講咁多都徙氣，自己都唔係香港，都係等返到香港先算啦。

總結：享受與小學同學左傾右講，Manchester係一個值得再去既地方，因為有幾個博物館我未去，哈哈哈~


附上係Man既幾中一張相(少有的數碼相而且是可接受的...實在是太差勁了)

攝於近The Quays的橋上

鐵板燒

平安夜的晚上，一屋四人就出發去紐卡素吃大餐。想不到會這樣（其實自己都有少少心理準備），會這樣少人。晚上八時，街人零人氣，商店零營業，死城一個。街上一點聖誕的氣氛都找不到，根本不能跟香港相比，也許這就是傳統與商業的分別。

吃鐵板燒，全店只得我們和另外一班外國人，照呼我們的就是那位日本廚師，有一點造作，當然也給你一點驚喜。

相片，後附啦


聖誕快樂~

一句

感動的說話就已足夠
多謝母親

在這裡

今年的聖誕節已經百分之百不可能回港渡過，沒有什麼特別，不會太失望也沒有其他的感覺。有的就只是不時都想起去年、前年和過往幾年聖誕的一些點滴。今年沒聖誕，也許是真的，一個人待在這裡，即使會在聖誕前後去倫敦和曼城，始終都沒有那鼓興奮和喜悅。

04年的冬天就一點都不冷，雪沒有下過，只是偶爾幾天的寒冷，也有可能是我悶在家中已經太久了，外面發生什麼事都不知道吧。

過幾天就會先去Leeds，之後再去London，會帶小學同學行行，未去已經怕會悶，是怕悶親自己...

驚驚

很久很久沒有為自己的功課擔心得這麼緊要，因為蠻多的時間我對自己都沒太多的要求，但是今次不同，我想我真的害怕起來。一來，因為今次phg 111計70%，但是我做得真的不好，二來，對這種相紙認識不深，我想我犯下了幾個處理相片的錯。

現在不知道結果會怎樣，我也不想去想啦，因為時間沒了，待會要說什麼我也想不到，但是我不想白白的放棄這個project，偏偏我又沒有信心。很亂很亂，哎喲該怎樣才好，這回和上一次不同，上一次功課可以說是在我掌握內，但是今回不同啦，我被牽著走。但我連自己被什麼牽著走也不知道，該怎麼好呢？煩死我啦，還有一個小時我就要死啦，祝我好運吧~

歌

呢排勁d/l歌黎聽，可能實在係太悶啦。聽到今年新人董敏莉-Monie Monie，呢隻碟入面有一首極之人既歌。唔知大家有無聽過勒，歌詞如下：


10.就你
作曲：陳少琪 填詞：謝杰 編曲：謝杰/楊毅

日日夜花心思想像　因你去換形象
事實在天台都恐懼　也敢跟你滑翔
如功夫片亦欣賞　漫畫節車展都愛上
伴著偶像　凡事都想拍掌

* 烈日下肌膚怎傷害　都要快樂同在　
活在幸福的風景內　還有甚麼感慨　
時常陪你整晚等待　為你心頭愛　
一起看季後賽　沉迷於畫面喝采*

#能就你一切的趣味
如像你好友伴你
很用心改變自己
還有誰像我費心機

就你心裡天與地
如共你比令我很自卑　
放低自己　逐漸全部也像你　
(但願名字也屬你)#

---

歌手唱歌既技巧就唔多講啦，一個新人，麻麻地。一把女仔聲，幾嗲咁啦...
不過令我留意到既係首歌中既呢一段

* 烈日下肌膚怎傷害　都要快樂同在
活在幸福的風景內　還有甚麼感慨
時常陪你整晚等待　為你心頭愛
一起看季後賽　沉迷於畫面喝采*

講真，邊有女仔咁肯陪個男仔丫，但偏偏首歌就做到呢個畫面出黎。
值得一聽~

還有什麼好說

無見成個星期，做過d乜？我都唔知喎，返過lab做野，勁多人、又熱又焗。於是我無點做過功課，哈哈。

忽然間發現，我呢到除左講足球，之外都係足球，唔怪之得大家無乜反應啦，梗係悶親大家，不過呢層係真架，平日都無咩好做，除左踢波之外我都唔知自己做過d乜。

聽日要趕起份project啦，唔知做唔做得切呢？星期四就dead，我估無乜問題既，不過今次晒大相，12x16。大約都有32R，等我遲d整返兩張大野放係屋企先~

不值一提

勞師動眾又租車又呢樣果樣，結果怎樣？成pat屎咁，簡直不知所謂，不值一提。搞咁多野，個個星期都對賽，不如踢好自己d波先算啦。今日真係100個無耐，自問今日都好ok係miss左1-2個chance，但都不至於換來咁既結果。

我就踢到周身傷晒、瘀晒、追到氣咳、俾人省到七彩，但其他人呢？唉，我都唔識講，不過我唔鍾意踢到一半就換自己出去，點解唔繼續努力落去呢？點解唔俾d承擔出黎呢？

其實，由始至終，我都覺得我地唔係人地果皮，要逐個秤既話對面隊平均都好過我地，無論頭球、腳下功夫、意識，以至戰術都好ok。我地？只叫做有十一個人，但唔係一隊波囉。一隊波唔一定要有重心球員，因為靠大家去努力都可以有成功既一日，但一定要有共同信念!!

戰術呢方面相信係可以最直接既改善球隊同球員之間既表現。
我無踢過什麼校隊、區隊，識既野有限，希望隊間佢地會多d磨合吧。

Lost

When you're lost, you will find nothing.
None of them can help you, just the one, the upper one.

錯錯錯

一個人最錯，錯在唔知自己錯在哪。
一個人最錯，錯在錯左唔認。
一個人最錯，錯在這個世界出現。

悶爆

今朝起身用左陣電腦就去沖涼刷牙洗面，以為轉頭會出門口。但結果唔會，因為我以為今日係星期日要去踢波，不過今日只係星期六，唔怪之得金毛無上黎叫我地起身啦，低能左添。

無得去踢波，就繼續上網，但係我諗唔到可以去邊到，悶到爆，有一隻發荒既感覺。想打機但係隻game又不是會crash，都唔知搞咩，搞到我無得教training。我都係悶到無野做先上黎寫兩隻字，話時話我開左個屬於自己既網站，不過暫時黎講入面係乜都無既，希望遲d等我有時間可以去update一下入面d野啦。

Jammie Cullum

如果你唔識佢，好正常。因為先前我都唔識佢，但後來睇左個live show就識佢啦。Jamie Cullum, 我認為佢係一個將Jazz同Pop music夾得好埋、夾得好正既一個人。從來我對Jazz都無乜大興趣，始終jazz唔係一d易入耳既野，加上香港識玩同玩得一手好jazz既人真係少之又少，接觸都少。

睇過佢live show，真係好掂，既放又癲，全程投入。
一句講晒，玩得Jazz既人都唔會咋得去邊~



JAMIE CULLUM TWENTY SOMETHING 呢隻碟，我俾4粒★


題外話，我係個英國網站到買左佢既special edition, 只係3磅，抵到爛，但唔知點解隻碟係由香港寄黎... 奇怪.

重點培訓

今天晚上吃飯時，Max和阿德都說要重點培訓，想不到他們都說要重點培訓我。有點驚訝，而且也蠻開心的，因為獲大家認同我還有進步的機會。

要 練的地方蠻多，特別是first touch, balance, strength吧，他們認為我mental是有的，只是technical不夠吧。Technical有得練，mental就沒有啦，我想這是他們選我 的原因吧。

而且，其實每場我觸球的次數比細mic還要多，如果我能夠好好把握和與大家配合的話，我們的進攻應該會好好多，期望於未來一兩星期還有機會踢波 的時間之時，能好好練習練習吧。