先前幾天去了倫敦帶團, 帶中同遊玩倫敦的幾個景點.
先 講第一天, 根本已是恐怖得很, 先是他們早到了整整一小時, 而我去機場途中架tube忽然踢人落車, 害得我苦等下班車, 去到機場時已是晚上11點. 回程時更是恐怖, 足足用了兩個多小時才能回去, 其中一小時只行駛了6個tube站, 低能架. 之後更在Leicester Sq停, 害我們要由Leicester Sq更去Tottenham Court Rd再搭巴士, 唉, 訓得覺黎都已經係2-3點啦.
之後... 我唔係好記得excatly係點. 2nd day大約係一朝早去白金漢宮, 遲左少少+好Q多人, 無辦法下走人去左食KFC, 原來法國無乜KFC. 之後就去左蠟像館, 又係好多人, 果到d setting搞到我成日都以為有個真人企左係隔離咁, 搞笑死. 跟住去左個鬼屋咁既野, 嚇得我呢... 不錯不錯, 猶有餘悸. 跟住仲有果張相果個鎖匙扣, 又會咁橋既. 晚黑去左食呢個香港野, 有少少被老點的感覺. 晚黑睇《我的野蠻師姐》, 好好笑, Jeon Ji Hyeon靚到呢... 真係好靚!!!
第 三日做過咩呢? 好似同隻馬影過相, 去過Big Ben, Westminster Abbey, London Eye, 全部都多人到爆, 後來我至發覺原來因為係Easter Holiday... 又去左Tower Bridge, Tower of London, 太多人又無時間結果就只係走馬看花. 之後唔記得, 我估係行街. 唯一記得既就係我地去左食韓式料理, 好食到爆!! 好辣但好正, 多謝兩位團友!! 晚黑睇《忘不了》, 再睇反而無咁好睇, 可能因為己知劇情無左當初的新鮮感.
第 四日去左溫莎堡, 天氣好. 行程匆匆, 而家回想好似無俾大家好好去睇下d野, 有點徙左既感覺, 希望兩友團友唔會咁覺得啦, 如果係就慘啦. 係Windsor見到紐卡素既一個女仔, 唔知佢叫咩名, anyway, 佢好姣. 之後回程既火車大家都好好訓, 因為大家都好支力lu. 去左Camden Town, 有少少收穫, 又食左個幾豐富既下午茶, 後來發現我又被人坤左, 仲要被個阿嬸級坤我, 不過算數啦, 食得飽無所謂. 晚黑排隊去食日本野, 今次到兩位姐姐仔中招, 我就食返個傳統日本咖哩吉列朱排飯, 唔錯唔錯. 晚黑睇《救命》, 迷茫, 齣戲應該叫《救你一命》.
最後一日, 早上, 小弟不帶走一點雲彩的瀟灑地走了.
p.s. 講左足足兩日唔正既廣東話, 返到黎我都唔多改到. 係唔想改定改唔到, 要問心至知.
No comments:
Post a Comment