旅伴 [收發電台]

尋日聽903《五天精華遊》時, 其中講到要找到一個適合自己的旅行伴侶/拍擋 (伴侶二字好似好曖昧咁)絕非易事, 因為最好的拍擋未必是你的另一半, 或你認識多年的老死. 而其中有幾點都值得大家留意架...

心態, 某部份人去旅行的心態會是: 我既然出了國, 我就一定要去到盡, 甚麼地方都要去, 咩都要試, 咩都要蒲一餐. 那你就要考慮一下大家既心態是否一樣, 要知道去旅行最怕未能盡興.

金錢, 這個跟心態或多或少都有多少關係, 始終去到外國, 寶貴的假期和金錢, 要知道有些人會不理三七廿一都要去玩去享受, 其他人跟你的budget不同時, 玩都玩得唔開心就唔好啦.

體力, 千祈唔好睇少體力啊, 有人可能行街行三個鐘左右就真係好頂唔順, 直頭要返酒店休息, 所以最好搵個體力相約既同伴, 免得到時人地想行, 自己就要死捱啦, 咁就醜死鬼啦.

性格+習慣, 這個我個人覺得是最重要的. 而你要留意既不單是同伴日常的態度, 而是他/她的內在性格和習慣, 如友人在家被遷就慣了, 又或是有賴床習慣時, 那就看你們能否互相遷就.

目的地, 一定一定要預先計劃. 免得名勝太多, 吃喝又太多時, 爭端又起, 那時就真的喊都無謂囉.

跟上面一樣, 最好事前就約法三章, 今天我陪你去遊樂場, 明天你陪我去shopping等等...
否則, 可能就連你最好的朋友都會因一個假期而就此喪失...




你, 搵到你既最佳旅伴未?
我估我搵到既, 可惜未知幾時再有機會一同同行而已...