唔習慣 [每日一記, 大發勞騷]

只是一天而已，就已經那麼不自然。

還有三天，很想念你。

慢過龜 [大發勞騷]

今日個network唔知搞乜，早兩日d/l野可以去到200kb/s，而家想load個網頁出黎閒閒地要等大半分鐘。

難得我今朝早起身諗住快手快腳做下research，點知個isp咁對我。

全能 [大發勞騷]

生左日，廿二歲仔。

諗諗下，好感謝神，因為生活得好平安，我知到上面幫左好多忙。


全能，做一個全能既人真係好支力、好辛苦。
我唔敢講自己係一個全能人，但我想話我做呢個全方位既人都幾覺得難。

要乖，雖則而家唔係做得咁好，但都要做得好少少。
要壞，唔可以唔識d壞既野，至少咁樣可以保護、保障到自己。

要動，識做下運動，要踢波得踢得唔好咁難睇。
要靜，讀書要勤力，識多方面既知識。

音樂，聽要聽得多，接納性要高，對各類型既音樂都要有基本的認知。
同樣地，玩要玩得唔好咁差。結他，有排去改進。打鼓，唔能夠局限係Rock入面，其他既敲擊、Jazz同Blues都需要學下。
都仲係音樂領域，創造的靈感同敏感度要不斷學習啦。歌曲的創作過程同編曲的認知要keep update.

電腦，打機咪打得太雞，因為咁樣好難睇，自己都接受唔到。
電腦資訊及科技，呢期開始左對Apple既迷戀，亦即要學多樣野，而且是從頭開好，有難度。但係對PC又唔可以太out。
又要留意市場既新產品、新動向。

攝影，呢層唔洗講啦，要影得多、要菲林數碼兼備。
同樣，要留意市場動向，產品進展，技術發展。
亦要學習攝影技巧、取境、採光、角度、時刻捕捉等。

引伸下，電影都令我著迷。

亦要同唔同既人聯誼下。上下留言板。




好忙呢

慶祝

屋企整個上層都病到九彩咁，但大家今日都好返少少。

好開心大家(阿Max同阿德)同我出去食餐勁既。

今日無去選擇食Chinese Buffet，因為我覺得好厭。我地去左食雞，Nando .

好開心，傾左好多計，諗落我地三個人雖則日日都食晚飯，但都好少傾咁多&咁耐計。

朋友們，多謝你地。


香港既朋友們，都多謝你地!!

病了又病了

自果日食完飯再落pub之後就不斷的病啦。

好辛苦之下，終於好返，今日生日，我祝自己快樂。

尋日大家都生日，希望大家都過得開心啦。

送佛送到西

本著一份送佛送到西，幫人幫到底既心態出席今晚(星期五晚)紐卡素同新特蘭香港Soc既春節晚會。

去做咩？去幫咩？都係彈幾下結他，班門弄斧一番。

好在，都有d野好食。而且我仲落手開魚，哈哈，我自己都覺得幾似部長。

飯後，再跟大隊去pubbing，好X多人！
阿德好hyper!! 見到個好似好熟口面既人，想去叫佢，點知佢好似游水咁游下游下游到好遠，吹漲。

好夜先返到屋企，估唔到亂咁跳都會跳到咁支力。
成個散晒~

開年飯？

頭先剛剛由Andy屋企返黎
一大班人去左佢到食飯，有羊、有雞、有蒸蛋、有雲吞，好多野食。

飯後玩『唔係咪咁鬼易』，同著一隊「勁」人玩。
hehe haha又一晚。

過去的

足足有近一個月無更新過，而過去的大半個月沒什麼大件事。都只是重新返學，take左4科已經填到個時間表full晒，睇黎無望add多科。

尋晚係年三十晚，雖然係自己係英國第三個農曆新年(因為舊年返左香港所以4-1只得3)，但卻係第一次係Sunderland過年，想不到會這樣...

一眾波友被擺上檯(台)，要上台表演唱歌。表現當然不及練習，這是預計之內。其他，都是次要的。春節晚會後，有跳下舞，低能。

臨走前，有人話我似日本人，咁搞笑？呢句是真是假無人知，可能佢無野講搵野黎講都唔定。哈，一笑而過。重有好多人都話無見過我，唔知係我真係返得少學，定還是我低調，定抑或是...


p.s.尋晚d雞同鵝搞到成晚都頂住頂住，rer極都有尋味，唔舒服.
唔知幾時整親條腰，今朝重要訓矮頸，新年喎，一開始就衰，有排你捱啊老友。